خانی نیوز:
سه‌رۆكوه‌زیرێن ئسرائیلێ راگه‌هاند: شانده‌كێ ئسرائیلى د چه‌ند رۆژێن بهێن دا دێ سه‌ره‌دانا سوودانێ كه‌ت بۆ ته‌مامكرنا گرێدا په‌یوه‌ندیان پشتى هه‌ردو وه‌لات ل سه‌ر وێ یه‌كێ رازى بووین.
بنیامێن نه‌ته‌نیاهۆ د پرێسكۆنفرانسه‌كى دا راگه‌هاند: ئه‌و شاندێ ئسرائیلى د چه‌ند رۆژێن بهێن دا دێ سه‌ره‌دانا سوودانێ كه‌ت بۆ ته‌مامكرنا رێككه‌فتنان.
سه‌ركردێن ئه‌مریكى و ئسرائیلى و سوودانى د به‌یانه‌كا هه‌ڤپشك دا راگه‌هاند بوو كو خه‌رتووم و ته‌لئه‌ڤیڤ گه‌هشتینه رێككه‌فتنێ كو په‌یوه‌ندیێن دوقۆلى گرێبده‌ن.
ل گۆره‌ى به‌یانا هه‌رسێ ئالیان، ب وێ رێككه‌فتنێ دێ په‌یوه‌ندیێن ئابوورى و بازرگانى د ناڤبه‌را ئسرائیلێ و سوودانێ ده‌ستپێكه‌ن.
سوودان دبیته وه‌لاتێ پێنجێ یێ عه‌ره‌بی په‌یوه‌ندیان د گه‌ل ئسرائیلێ گرێدده‌ت، ئه‌و ژى پشتى هه‌ر ئێك ژ وه‌لاتێن ئیماراتا عه‌ره‌بى و عومانێ ل مه‌ها بۆرى په‌یوه‌ندى د گه‌ل ته‌لئه‌ڤیڤێ گرێداین، پێشتر ژى وه‌لاتێ ئوردن و مسرێ ئه‌و په‌یوه‌ندى گرێداینه.
شانده‌كێ ئسرائیلى دێ سه‌ره‌دانا سوودانێ كه‌ت
