خانی نیوز:
فه‌رماندارێ گشتیێ هێزێن سووریا دیمۆكرات هه‌سه‌دێ راگه‌هاند: سه‌رۆككۆمارێ توركیا ئۆلا ئیسلامێ بۆ به‌رژه‌وه‌ندیێن خوه بكاردئینیت و سه‌رۆكێ فره‌نسا ژى بوسرمان پاراستینه.
مه‌زلۆۆم عه‌بدى، فه‌رماندارێ گشتیی هه‌سه‌دێ د تویته‌كى ل دۆر گۆتنێن ره‌جه‌ب ته‌یب ئه‌ردۆغان، سه‌رۆككۆمارێ توركیا و ئێمانۆئێل ماكرۆن، سه‌رۆكێ فره‌نسا راگه‌هاند: ئه‌ردۆغانى پشته‌ڤانییا رێكخستنا تیرۆرستییا داعشێ و ده‌وله‌تا ئیسلامى كرییه، سڤكاتییا ب ماكرۆنى ژى ده‌ربرینێ ژ بۆچوونا بوسرمانان و به‌رژه‌وه‌ندیا جیهانا ئیسلامى ناكه‌ت، به‌لكو ئۆلا ئیسلامێ بۆ به‌رژوه‌ندیا خوه‌یا كه‌سوكى ب كاردئینیت.
مه‌زلووم عه‌بدى ئاشكرا ژى كر، ئێمانۆئێل ماكرۆن، سه‌رۆكێ فره‌نسا یێ هاریكار بوو بۆ پاراستنا بوسرمانان ژ ده‌ستێ ده‌وله‌تا ئیسلامى و رۆله‌كێ سه‌ره‌كى د تێكشكاندنا وێ رێكخستنا تیرۆرستیا داعشێ و پاراستنا بهایێن مرۆڤایه‌تیێ دا هه‌بوو.
مه‌زلۆۆم عه‌بدى: ئه‌ردۆغان ئیسلامێ بۆ خوه بكاردئینیت و ماكرۆنى بوسرمان پاراستینه
