چه‌ندین خوه‌نیشانده‌رێن ئیراقێ برینداربوون

خانی نیوز:

خوه‌نیشاندان ل باژارێن ئیراقێ به‌رده‌وامن و چه‌ندین خوه‌نیشانده‌ر ب گولله ‌یێن هێزێن ئێمناهیێ برینداربوون.

خوه‌نیشاندانێن ئیراقێ ب هه‌لكه‌فتا سالڤه‌گه‌را ئێكێ یا شۆره‌شا تشرینێ به‌رده‌وامن و دیسان شه‌ر و پێكدادان د ناڤبه‌را خوه‌نیشانده‌ر و هێزێن ئێمناهیێ دا ل به‌غدا یا پایته‌خت رویدان، هێزێن ئێمناهیێ ژى شه‌ڤا بۆری چه‌ندین خوه‌نیشانده‌ر ب گولله‌یێن راسته‌وخۆ برینداركرن ب مه‌به‌ستا ژ ناڤبرن و دووركرنا خوه‌نیشانده‌ران ژ پرا سه‌نك.

هه‌ر د خوه‌نیشاندانێن كه‌ربه‌لا دا ل هه‌مبه‌ر ئاڤاهیێ حكومه‌تا خۆجهی یا پارێزگه‌هێ تایرێن ترومبێلان سۆتن و هێزێن ئێمناهیێ ب گازا رۆندكرێژ به‌ربه‌لاڤ كرینه‌ لێ خوه‌نیشاندان به‌رده‌وامن.

ل ئالیه‌كێ دی هێزێن ئیراقی ل باژارێ حلله بزاڤان دكه‌ن ب هێزێ و گازا رۆندكرێژ خوه‌نیشانده‌ران دووربكه‌ن ژ جهێ خوه‌نیشاندانان.