مەسروور بارزانی سەرخوەشی ل خەلکێ تورکیا و یۆنانستانێ کر

خانی نیوز:
سەرۆکێ حکومەتا ھەرێما کوردستانێ پرسنامەیەک ئاراستەی وەلاتیێن تورکیا و یۆنانستانێ کر ژبەر وێ بیڤەلەرزا دوھی بەراڤێن دەریا ئیجە ھەژاندین.
مەسروور بارزانی د تویتەکی دا راگەھاند، ئەو سەرخوەشیێ ل کەسوکارێن قۆربانیێن بیڤەلەرزا دوھی بەراڤێن دەریا ئیجە ھەژاندین دکەن، ھیڤیا ساخی و سلامەتیێ ژی بۆ برینداران کر.
مەسروور بارزانی دوپات ژی کر، د ڤێ رەوشا دژوار دا ئەو ھەڤخەمێن خەلکێ تورکیا و یۆنانستانێ نە.
بیڤەلەرزەکا ب ھێز دوھی پارێزگەھا ئزمیریا تورکی ھەژاند و بیست و چار کەسان ژیانا خوەژ دەست دا و ب سەدان کەس ژی بریندار بووینە.