خانی نیوز، زنار تۆڤى:
سهرۆكا لژنا ساخلهمى و ژینگههێ و كاروبارێن جڤاكى ل جڤاتا پارێزگهها دهۆكێ دیار كر: لژنا ساخلهمیێ سهرهدانا چاكسازیا سنێله و ژنان ل پارێزگهها دهۆكێ كریه، پشتى دووڤچوون كرى، رێڤهبهریا چاكسازیێ بۆ وان دیار كریه، كو چو سنێله و ژن تووشى كۆرۆنایێ نهبووینه، رهوشا ههموویان ژى باشه، ههروهسا چاكسازیێ بنگهههكێ ساخلهمیێ ههیه و وان سهرهدانهكا مهیدانى كر، كو ههموو پێدڤی و دهرمان لێ ههبوون و د ڤى وارى دا وان بهرههڤیێن باش كرینه.
دلڤین محهمهد سهلیم، ، بۆ خانی نیوز ئاشكرا كر: كهلوپهلێن وهكو ماسك و دهستگوركان ل زیندانا سنێله و ژنان ههبوون، ههتا ههیڤا كانوونا ئێكێ وان تێرا خوه ئهو كهلوپهله ههنه و پێدڤى نابنێ، ههروهسا ب رهنگهكێ بهردهوام خولێن هشیاركرنێ بۆ زیندانیان و كارمهندێن چاكسازیێ دهێنه ڤهكرن، ههروهسا نوكه ههر پازده رۆژان جارهكێ و ل دووڤ رێنمایێن ساخلهمیێ كهسوكارێن زیندانیان دشێن سهرهدانا چاكسازیێ بكهن و گرتیێن خوه ببینن، لێ نابیت خوه نێزیكى ئێك بكهن و دڤێت كهمامه و دهستگورك ل بهربن .
سهرۆكا لژنا ساخلهمى و ژینگههێ و كاروبارێن جڤاكى ل جڤاتا پارێزگهها دهۆكێ گۆت ژى: بهردهوام چاكسازى ب دهرمانێن دژى ڤایرۆسى دهێته رهشاندن و پشتى پهیدابوونا كۆرۆنایێ قوتابخانا وان ژى هاتیه گرتن، دیسان دهمێ گرتیهكێ نوو دهێته چاكسازیێ ژى بۆ دهمهكێ دهێلنه ب تنێ ههتا ژێ پشت راست دبن كو كۆرۆنایێ لێ نینه، ژنوو دهێته رهوانه كرن بۆ ناڤ زیندانیان.
چو زیندانیێن چاكسازیا سنێله و ژنان تووشى كۆرۆنایێ نهبووینه
