خانی نیوز:
وه‌لاتییه‌كێ ره‌شپیست یێ ئه‌مریكى ب گولله‌یا پولیسێن باژێرێ فیلادیفیا یا سه‌ر ب ویلایه‌تا په‌نسلڤانیا ڤه هاته كوشتن،ژبه‌ر وێ یه‌كێ ژى خوه‌نیشاندان دژى پۆلیسان هاتنه كرن.
ل گۆره‌ى ئاگاهیێن پۆلیسێن ئه‌مریكى، وه‌لاتى والته‌ر والاس، پشتى ب چه‌قۆیێ هێرش كرییه سه‌ر هێزێن پۆلیسان و ره‌تكری خوه راده‌ستى پۆلیسان بكه‌ت، پۆلیسان ژى ته‌قه لێ كر و گیانێ خو ژده‌ست دا.
ل گۆره‌ى گۆتنا شاكا جونسن،پارێزه‌رێ بنه‌مالا ناڤهاتى: كوشتنا والته‌ر والاس كاره‌كێ نه‌ره‌وایه ژبه‌ركو نه‌خۆشییا ده‌روونى هه‌بوو.
ژ ئالیه‌كێ دى ڤه و ژبه‌ر ڤێ رویدانێ خوه‌نیشاندان ل دژى پۆلیسان هاتنه كرن و چه‌ندین فرۆشگه‌هـ ژلایێ خوه‌نیشانده‌ران ڤه هاتنه سۆتن و تالانكرن، به‌رپرسێن باژێرى ژى داخاز ژوه‌لاتییان كر ئالۆزییان دروست نه‌كه‌ن.
هه‌تا نها د شه‌ر و پێكدانانێن دناڤبه‌را پۆلیس و خونیشانده‌ران دا، 30 ئه‌فسه‌رێن پۆلیسان برینداربووینه و 91 كه‌س ب تۆمه‌تا سۆتن و تالانكرنا فرۆشگه‌هان هاتینه ده‌سته‌سه‌ركرن.
ره‌ش پیسته‌كێ دى یێ ئه‌مریكى ب ده‌ستێ پۆلیسه‌كى هاته كوشتن
