فره‌نسا: پێدڤیه‌ ئێكه‌تیا ئه‌ورۆپا رێكاران دژى توركیا بگریته‌ به‌ر

خانی نیوز:
فره‌نسا داخواز ژ ئێكه‌تییا ئه‌ورۆپا كر ژبه‌ر داخوازیا سه‌رۆككۆمارێ توركیا بۆ بایكۆتكرنا به‌رهه‌مێن توركى رێكاران دژى وى وه‌لاتى بگریته‌ به‌ر.
فرانك رێستێ، وه‌زیرێ ڤه‌گوهاستنا فره‌نسا راگه‌هاند، فره‌نسا یا ئێكگرتیه‌ و ئه‌ورۆپا ژى یا ئێكگرتیه‌، پێدڤیه‌ جڤاتا ئه‌ورۆپا بریارێ بۆ ب هێزكرنا هه‌ڤسه‌نگیێ د گه‌ل توركیا دا بده‌ت و به‌رگریێ ژ به‌هایێن ئه‌ورۆپا بكه‌ت.
ژ ئالیێ خوه‌ڤه‌ كۆمسیۆنا ئێكه‌تیا ئه‌ورۆپا هۆشدارى دانه‌ حكومه‌تا ئه‌نقه‌ره‌ و ئاشكرا كریه‌، ئه‌ندامبوونا توركیا د ئێكه‌تیا ئه‌ورۆپا دا پتر دووركه‌فتیه‌ ژبه‌ر داخویانیێن ئه‌ردۆغانى دژى ماكرۆنى.
پشتى كۆشتنا مامۆستایه‌كێ فره‌نسى ژ ئالیێ كه‌سه‌كێ چیچانى ڤه‌ و به‌لاڤكرنا كاریكاتێران ل سه‌ر پێغه‌مبه‌رێ ئیسلامێ سلاڤ ل سه‌ر بن، د ناڤبه‌را فره‌نسا و چه‌ندین وه‌لاتێن بوسرمان تێكچوویه‌ و هه‌ژماره‌كا وه‌لاتان ژى داخوازا بایكۆتكرنا به‌رهه‌مێن فره‌نسى كریه‌.