پۆتین: ژ هنارتنا چه‌ته‌یێن كرێگرتى بۆ هه‌رێما قه‌ره‌باخ دلگرانین

خانی نیوز:
سه‌رۆكێ رۆسیا دلگرانیا خوه‌ بۆ سه‌رۆككۆمارێ توركیا ل دۆر هنارتنا جه‌ته‌یێن كرێگرتى ژ رۆژهه‌لاتا ناڤێن بۆ شه‌رێ هه‌رێما قه‌ره‌باخ دیار كر.
كۆچكا سه‌رۆكاتیا رۆسیا كرێملنێ د به‌یانه‌كێ دا راگه‌هاند، ڤلادیمێر پۆتین د په‌یوه‌ندیه‌كا تێله‌فۆنى دا د گه‌ل ره‌جه‌ب ته‌یب ئه‌ردۆغان دلگرانیا خوه‌ ژ هنارتنا چه‌ته‌یێن چه‌كدار بۆ شه‌رێ ل هه‌رێما قه‌ره‌باخ د ناڤبه‌را ئازه‌ربیجانێ و ئه‌رمه‌نستانێ دا دیار كر.
كرێملنێ ئاشكرا ژى كر، هه‌ردو سه‌رۆكان ره‌وشا لیبیا و سووریێ و بتایبه‌ت ره‌وشا پارێزگه‌ها ئدلبێ و پرسا چاره‌كرنا قه‌یرانا سووریێ گۆتوبێژ كرن.