حكومهتا ئیراقێ ل سهر نزمكرنا بهایێ دینارێ خوه همبهرى دۆلارێ ئهمریكى بهردهوامه بۆ وێ یهكێ بشێت كورتهینانا بودجهى بۆ سالا بهێت پڕبكهت، لێ همبهرى وێ یهكێ وهلاتى بهر ب زیانهكا مهزن دكهڤن كو كهلوپهل د ناڤا بازاران دا ب شیوهیهكێ بهرچاڤ گران بووینه و ل دۆر وێ یهكێ ژى شارهزایهكێ ئابوورى هۆشدارییان ددهت.
دكتۆر هاشم عومهر، شارهزایێ ئابوورى بۆ خانى نیوز راگههاند، ئهو رهوشا نها ل ئیراقێ دروست بووى ژ گهندهلییا ئیدارى و دارایى، وهكرییه كو حكومهت و بانكا ناڤدهولهتى كارهكى بكهن بهایێ دراڤى ئیراقى نزم بكهن، ژبهركو ئهو پهترۆلا ب دۆلارى دفرۆشن ل ناڤخوه ب دینارى دگوهۆرن دا داهاتێ خوه زێده بكهت و بودجه و مووچهیان پێ دابین بكهت.
دكتۆر هاشم عومهر ئاشكرا كر، بێ بهاكرنا دینارى همبهرى دۆلارى دهولهت دو جاران قازانجێ دكهت، دۆلار باشتر بدهست دكهڤیت و دێ كورتهینانا دارایى یا سالا بهێت پڕكهت، لێ ب وێ یهكێ كارتیكرنهكا گهلهك خراب دێ ل سهر وهلاتییان ههبیت یێن بهریكا وان ڤالا و كهلوپهل گران بها، ژبهركو ئیراق پتریا كهلوپهلان ب دۆلارى ژ دهرڤه دئینیت و ب وێ یهكێ ژ سهدێ پێنجى دێ بهایێ كهلوپهلان گران بیت.
دكتۆر هاشم عومهر، شارهزایێ ئابوورى ئاشكرا ژى كر، د بودجا سالا دوهزار و بیست و ئێكێ دا ههر سهد دۆلار همبهرى سهد و چل و حهفت هزار دیناران هاتیه خهملاندن و ب وێ یهكێ دێ زیان گههیته وهلاتییان و نهشێن پێدڤییێن خوه دابین بكهن.
گۆت ژى: سال بۆ سالێ بودجهیا ئیراقێ ب پێنجى ترلیۆن دیناران دهێته پڕكرن، بۆ سالا بهێت ژى ئیراق دێ كهڤیته گرفتارییهكا دارایى یا گهلهك خراب.
خانى نیوز، عەزیز هەورامی
