ژ ئەگەرێ مەترسیا بەلاڤبوونا ڤایرۆسێ نویێ کۆرۆنایێ ل بریتانیا، وەزارەتا ناڤخۆەیا ئەرەبستانا سعوودیێ ھەموو گەشتێن ئەسمانی، دەریای و ھشکاتی راگرتن.
رێکخستنا ساخلەمییا جیھانی دوھی ھۆشداری ژ بەلاڤبوونا ڤایرۆسەکێ نوی دا و راگەھاند، د نھا دا ئەو ڤایرۆس ل دانیمارک، ئۆسترالیا و ھۆلەندا بەلاڤبوویە، حکومەتا بریتانیا ژی ژ ئەگەرێ بەلاڤبوونا وی ڤایرۆسی قەدەغەیا دەرکەفتنێ ل لەندەن و باشوورێ رۆژھەلاتێ وەلاتی راگەھاند و ئاشکەراکر، رەوش ژ کۆنترۆلێ دەرکەفتییە.
ل گۆرەی ژێدەرەکێ وەزارەتا ناڤخوە یا ئەرەبستانا سعوودیێ، ژ ئەگەرێ بەلاڤبوونا ڤایرۆسێ نوی یێ کۆرۆنا ل بریتانیا و ھەژمارەکا وەلاتێن دی، بۆ دەمێ حەفتییەکێ گەشتێن ئەسمانی، دەریایی و ھشکاتی گرتن، پێشبینی ھەیە ھەکە رەوش ب ڤی ئاوایی بمینیت، بۆ دەمێ حەفتییەکا دی ژی راگرتنا گەشتان بھێتە درێژکرن.
سعوودیێ ھەموو رێ ژ ترسا کۆرۆنا نوی گرتن
