<h3 style="text-align: justify;"><span style="font-size: 14pt;">پەرلەمانتارا بهرێ یا پارتیا دیموکراتیك یا گەلان و ههڤسەرۆکا کۆنگرێ جڤاکا دیموکراتیک، ل شهڤا بورى ل مالا خوه دا ل باژێركێ پەیاس یێ ئامەدێ هاته دەستهسهركرن و پاشى هاته زیندان كرن.</span></h3> <h3 style="text-align: justify;"><span style="font-size: 14pt;">مەرال دانش بێشتاش، بریکارا سەرۆکا فراکسیۆنا پارتییا دیمۆكراتیك یا گهلان هەدەپێ ل دۆر دەستهسهكرنا لەیلا گوڤەنێ تویتهك بهلاڤكریه و راگەهاند، ژ ئهگهرێ بریارا دەستهسهركرنا وێ بۆ دهمێ 24 دهمژمێران، لەیلا گوڤەن ل هۆبا بەرهنگاربوونا تیرۆرێ هاتییه دەستهسەركرن، ههر چهنده پێدڤى بوو بربا ههمبهرى دادوەرى، دەستهسەرکرنا وێ تاوانهكە و گهفهكه بۆ سهر ئازادیێ.</span></h3> <h3 style="text-align: justify;"><span style="font-size: 14pt;">ژ ئالییهكێ دى ڤه جەمیلە تورهالى، پارێزەرا لەیلا گوڤەنێ گۆتیه، پشکنینا ساخلهمییێ بۆ لەیلا گوڤەنێ هاتییه كرن و پاشى هاتییه زیندان كرن.</span></h3> <h3 style="text-align: justify;"><span style="font-size: 14pt;">ل روونشتنا دادگههێ دا لەیلا گوڤەن ئامادە نەبوو، هەر ئێك ژ جەمیلە تورهالى، سەردار چەلەبی و شڤان جەمیل ئۆزەن، پارێزەرێن گوڤەنێ ل دادگههێ ئامادەبوون و داخوازا درێژکرنا پرۆسا دادگههكرنا وێ کر، بەلێ داخوازا وان ژ ئالییێ دادگههێ ڤه هاته رهتكرن و دادگههێ بریارا 22 سال و سێ ههیڤێن زیندانیکرنێ بۆ لەیلا گوڤەنێ دهركرن و بریارا دەستهسهركرنێ دا.</span></h3> <h3 style="text-align: justify;"><span style="font-size: 14pt;">ل رۆژا 4 خزیرانا 2020 پەرلەمانێ تورکیا پارێزبەندی ل سەر لەیلا گوڤەنێ پەرلەمانتارا هەدەپێ ل بازنێ جۆلەمێرگ، موسا فارسئۆغوللاری پەرلەمانتارێ هەدەپێ ل بازنێ ئامەد و ئەنیش بەربەرئۆغلو پەرلەمانتارێ جەهەپە هەلگرت.</span></h3>
