رێڤەبەرێ قەرزێن بچووک ل دھۆکێ ئاشکراکر کو مۆلەتا ڤەگەراندنا پارێ قەرزان ل سەر ئێک بۆ حکومەتێ ھاتە درێژکرن و بەرامبەر ئەو کەس ب رێژا ١٥% بھێتە ئازاکرن.
گوھدار عەبدوللا یوسف، رێڤەبەرێ نڤێسینگەھا قەرزێن بچووک ل دھۆکێ بۆ خانی نیوز گۆت: بریارا وەرگرتنا قەرزێن بچووک ل سەر ئێک و ئازاکرنا وی کەسێ قەرێ خوە ل سەر ئێک بدەت ب رێژەیا ١٥% ھەتا رێکەفتی ١/١١/٢٠٢٠ ب دوماھی دھات، ئەڤرۆ ٢٣/١٢/٢٠٢٠ ئەو ھاتینە ئاگەھدارکرن کو دەم ھاتە درێژکرن ھەتا ٣١/١٢/٢٠٢٠ و ھەر کەسەکێ پارێ مایە لدەف ل سەر ئێک بۆ حکومەتێ ڤەگەرینت ب رێژا ١٥% دھێتە ئازاکرن.
گوھداری گۆت ژی: پتر ژ نەھـ ملیار دینارێن قەرزێن بچووک ھێشتا ل نک وەلاتیان مایە، دوازدە ملیار ژی بۆ حکومەتێ ھاتینە ڤەگەراندن و پتر ژ (٢١٦٦) گەنج ژ کچ و کوران مفاداری ڤی پرۆژەی ببوون و دھێتە چاڤەرێکرن ل سالا نووی دەسپێ بکەت ڤە.
خانی نیوز، سالار محەمەد دۆسکی:
