ژ ئهگهرێ بهلاڤبوونا ڤایرۆسێ كۆرۆنایا نوو، رۆژ ب رۆژ ژمارا وان وهلاتێن گهشتێن خۆه دگهل بریتانیا راوهستاندین زێدهتر دبن.
ڤایرۆسێ كۆرۆنایا نوو بوویه ئهگهر فرۆكخانا دۆڤهر ل دهڤهرا كێنتى یا باشوورێ رۆژههلاتا وى وهلاتى چۆل بوو، ژمارهیهكا مهزن یا بارههلگران ژى ل رێیا دناڤبهرا بریتانیا و ئێكهتیا ئهوروپا ئاسێ ماینه.
رۆژ ل دووڤ رۆژێ ژمارا وان وهلاتێن گهشتێن خوه دگهل بریتانیا راوهستاندین زێدهتر دبن، روسیا بۆ دهمێ حهفتییهكێ ههمى گهشتێن وهلاتێ خوه دگهل بریتانیا راوهستاندن.
نها ئهلمانیا ژى پهیوهندیێن خوه دگهل بریتانیا راگرتینه، داخاز ژى ژ وهلاتیێن خوه كرییه خوه ژ قهرهبالغێن دوماهیا سالێ دوور بكهن.
تا نها زێدهترى چل وهلاتان گهشتێن خوه دگهل بریتانیا راوهستاندینه و هندهك وهلاتان ب كارئینانا مهرجێن گران یێن ساخلهمیێ گهشت كرینه.
ژبلى بریتانیا، ڤایرۆسێ كۆرۆنایا نوو ل دانیمارك، هۆلهندا و نهمسا و بهلچیكا هاتییه دیتن، وهلاتێن دى یێن ئهندام د ئێكهتیا ئهورۆپا دا بۆ دیتنا چارهسهرییهكا ههڤبهش و رێگریكرن ژ بهلاڤبوونا ڤایرۆسێ نوو د گوتوبێژان دانه.
