حکومەتا ئیراقێ ژبەر بلندکرنا بھایێ دۆلاری گرانیا پشتی وێ بریارێ نزمبوونا بھایێ دینارێ ئیراقی غەدر ل فەرمانبەران کر و نێزیکی نیڤ مووچە ژێ بڕییە بێ کو خوە بەرپرسیار بزانیت.
دلشاد مستەفا وەسانی، نڤیسەر و چاڤدێرێ سیاسی بۆ خانی نیوز راگەھاند، رەوشا ژیان و ژیارا خەلکێ ئیراقێ دێ خراپتر بیت و رێژا ھەژاریێ دێ بلندتر بیت، ئیراق ژبەر ئەقلیەتا حوکمرانیا تایفەگەری بەر ب خرابیێ دچیت و پشتگوھـ ھاڤێتنا دەستووری ژی دێ رەوشێ پتر ئالۆز کەت.
وەسانی ئاشکرا کر، شەرێ بودجەیێ کوردستانێ دێ کەڤیتە پەرلەمانی و ژبەرکو حوکمرانیا شیعەیان کوردان ب ھەڤپشک نزانن و فشارێن سەر کوردستانێ بەردەوامن، ھەکە کارتێکرنا ناڤدەولەتی ب تایبەتی یا ئەمریکا نەبیت، ئیراق ھزر ناکەت پاران بۆ کوردستانێ بھنێریت.
ئاشکراکر، گرنگ و پێدڤیە ئالیێن سیاسی د چاکسازیێ دا پشتەڤانیا حکومەتێ بکەن بۆ وێ چەندێ قانوونا چاکسازیێ ل ھەموو کوردستانێ بھێتە بجھکرن.
خانی نیوز: رەمەزان ھەرنی
