سەرۆکێ ھەرێما کوردستانێ ب ھەلکەفتا ژ دایکبوونا حەزرەتا مەسیح و سەرێ سالا نوو یا زایینی، پەیامەک بەلاڤکر و ھیڤی خواستن ئەڤ جەژنە تەبایی، ئاشتی، لێبۆرین، و قەبوولکرنا ئێکودو یا زێدەتر ل ئیراقێ و دەڤەرێ و جیھانی بۆ ھەمی مرۆڤێن جیھانێ ل گەل خۆ بینیت و گۆت: ھەرێما کوردستانێ دێ ھەر مینیت مال و وەلاتێ خووشک و برایێن کریستان.
دپشکەکا دیا پەیامێ دا نێچیرڤان بارزانی، سەرۆکێ ھەرێما کوردستانێ دا ھاتیە، ھەر چەندە رێۆرەسمێن مەزنێن جەژنێ ب سەدەما بەلاڤبوونا ڤایرۆسێ کۆرۆنایێ ناھێنە کرن، بەلێ بێگۆمان جەژنا بوونا حەزرەتا مەسیح ب رێزگرتن ڤە د دلێ ھەموویان دا دێ ھێتە گێران و ب بلندی دێ ھێتە راگرتن.
سەرۆکێ ھەرێما کوردستانێ د پەیاما خودا دوپاتکر، ھەرێما کوردستانێ وەک ھەردەم لایەنێ تەبایێ و فرەھیا پێکڤەژیانێ یا ھەموو پێکھاتێن خۆڤە وەک مال و وەلاتێ برایێن کریستیان دێ مینیت.
سەرۆکێ ھەرێما کوردستانێ نێچیرڤان بارزانی وەلاتیێن کریستیان پشت راستکرن کو بەردەوام ھەموو بزاڤ و شیانان دێ بەرچاڤگرن بۆ ھندێ دەڤەرێن زیانڤێکەفتی د شەڕێ تیرۆستێن داعشێ دا بھێنە ئاڤەدانکرن و شوونوارێن شەری ل سەر نەمینن، داکو ئاوەرا بشێن ب ئارامی ڤەگەرن و ژیانەکا پشتراست و خۆشتر ل گەل خۆ ببەنە دەڤەرێ و جارەکا دیتر ئاوارە نەبن و ھەموو مافێن وان بھێن پاراستن.
نێچیرڤان بارزانی: ھەرێما کوردستانێ دێ ھەرمینیت مال و وەلاتێ خووشک و برایێن کریستان
