وەزیرێ ساخلهمیا ئیراقێ راگەهاند، د بودجا سالا دوهزار و بیست وئێكێ دا نێزیکی حهفتێ هزار پلێن دامەزراندنێ بۆ دەرچوویێن پشكێن ساخلهمیێ و نوژداران هاتینه دابینكرن.
حەسەن تەمیمی، وەزیرێ ساخلهمی و ژینگەها ئیراق، ئەڤرۆ پێنجشەمبى د بهیانهكێ دا راگههاند: نێزیكى حهفتێ هزار پلێن دامەزراندنێ بۆ دەرچوویێن سالا دو هزار و ههژدێ و دوهزار و نوزدێ د بوجا سالا دو هزار و بیست و ئێكێ دا هاتنیه دابینكرن، کو قانوونا ژمارە شهش یا سالا دو هزارێ ب تایبەت بۆ خودان كارێن نۆشدارى و ساخلهمیێ، دگهل راستڤهكرنا سیێ ژ قانوونا تایبەت ب كارێ ساخلهمیێ، ڤهدگریت.
حەسەن تەمیمی راگههاند ژى، ئێك تریلیۆن و سێسهد ملیار دینار بۆ دابینکرنا پێدڤیێن ساخلهمیێ دابینكرینه دگهل بجهئیانانا چەند پرۆژان، وەکو دروستکرنا نەخۆشخانانێن تایبەت ب بەرهنگاربوونا ڤایرۆسێ کۆرۆنا، ب رێكا بانکا نیڤدهولهتى.
پێشتر عەلی عەللاوی، وەزیرێ دارایی ئیراق ل دهسپێكا ڤێ حهفتیێ دیدارهکێ دا راگههاند بوو، د بودجا فیدرالا سالا دوهزار و بیست و ئێكێ دا چ پلەیەیێن دامەزراندنێ ل دەزگههێن دەولەت تێدا نابن، بەلکو تنێ دامەزراندن ل شوونا خانهنشینان دێ ههبن.
