وه‌زاره‌تا بازرگانی و پیشه‌سازی یێ حكومه‌تا هه‌رێما كوردستانێ راگه‌هاند؛ ئه‌ڤرۆ رێكارێن نوو یێن خوه‌پاراستنێ ژ كۆرۆنایێ ل ئیراقێ ده‌ستپێدكه‌ن و بڕیار ته‌نێ ژ گه‌شتیاران دگریت و لڤینێن بازرگانی دێ د به‌رده‌وامبن.
فەتحی محەمەد عەلی، په‌یڤدارێ وه‌زاره‌تا بازرگانى بۆ خانی نیوز راگه‌هاند؛ راستە عێراقێ بریاردایە ژ ئه‌ڤرۆ و پێدا رێکارێن خوه‌پاراستنێ ژ ڤایرۆسێ كۆرۆنایێ توندتر بكه‌ن و سنورێن خوه د گه‌ل وه‌لاتان بۆ چه‌ند رۆژان بگریت، لێ بڕیار ژ لڤینێن بازرگانی ناگریت و ته‌نێ ژ ھاتنوچوونا وەلاتیان و گەشتیاران دگریت. .
فەتحی محەمەد عەلی ئاماژەکر، هاتنوچوون، كاروبارێن رۆژانه و لڤینێن بازرگانی ل ھەموو سنۆرێن کوردستانێ و ئیراقێ دێ بەردەوامبن، ژبه‌ركو ژیارا وەلاتیان گرێدای ئینانا کەلوپەلانه ژ ولاتێن ژ ده‌رڤه، لەوڕا وەلاتیان پشتڕاست دکەن ئەو بڕیارێن بۆ سەرێ سالێ و خوه‌پاراستنێ ژ ڤایرۆسێ کۆرۆنایێ دھێنە دان ژ لڤینێن بازرگانی ناگریت و ناھێن راگرتن.
ھەولێر، قائید میرۆ
