د کەش و ھەوایەکێ سار و بەفرین دا رێورەسمێن جەژنا ژ دایکبوونا حەزرەتێ مەسیح سلاڤێن خودێ ل سەر بن ل کانی ماسێ و گوندێ دوورێ ھاتن کرن .
ب ھەلکەفتا ژ دایکبوونا حەزرەتێ مەسیح کرستێانێن دەڤەرا بەرواری بالا وەکی ھەمی کرستیانێن دێ یێن کوردستنانێ ئەڤروکە رێکەفتێ ٢٥/١٢/٢٠٢٠ جەژن گێران و ئەڤ بیرەوەریا دیرۆکێ ل ئێک و دو پیرۆز کرن.
ب ئامادەبوونا قەشە شمعون، قەشێ بەرواری بالا و چەندێن کەسایەتێن دێ یێن ئاینێ و سەرجەم کرستیانێن کانی ماسێ و دوورێ رێورەسم و قەداسە ل دێرا مارگۆرگیس ل گوندێ دوورێ و ل گۆرەی رێنمایێن ساخلەمی ھاتن کرن .
قەشە شمعون، قەشێ بەرواری بالا تایبەت بۆ خانی نیوز گۆت: ھەر چەندە ل ئەڤسالە ژ بەر بەلاڤبوونا ڤایرۆسێ کۆرۆنایێ ھندەک ئاستەنگ ھەبووینە، لێ نەبوووینە رێگر ھمبەری رێورەسمێن جەژنێ و قەداسێ، ئەڤ بیرەوەریە د کەش و ھەوایەکێ ئارام و ئازاد دا ھات پیرۆزکرن، ھاتنا بەفری ژی د ڤێ رۆژێ دا گرنگیا خوە ل نک کرستیانان ھەیە، ئەو وەسان ھرز دکەن ھەکە د ڤێ رۆژێ دا بەفر نەباریت کێماسی د جەژنا وان دا ھەنە، لێ بارینا بەفرێ رەوشەکا دێ دا جەژنا وان ژ بەرکو بەرێ ٢٠٢٠ سالان د رۆژەکا وەسا یا سار و بەفرین دا حەزرەتێ عیسایێ مەسیح ھاتبوو سەر دونیایێ.
خانی نیوز، ئەحمەد ئەدنی:
