ھهژمارەکا ئۆل و نەتەوەیان ل دەشتا نەینەوا دژین و دەمێ دروستبوونا شەرێ داعش زیانێن مەزن گەھشتن وان و ھەتا نوکە ھەموو پێکھاتە ب دروستی نەزڤرینەڤە سەر جھێن خوە ب تنێ ل دەڤەرێن پێشمەرگە لێ ھەی ئاوارەییێن پێکھاتەیا زڤرینەڤە.
لیوا تارق سلێمان ھەرنی، فەرماندارێ سپیلکی ل میحوەرێ تلسقووف بۆ خانی نیوز راگەھاند، پشتی ژناڤبرنا رێکخستنا تیرۆستییا داعشێ ل دەشتا نەینەوا لسەر دەستێ پێشمەرگەی، ھەژمارەکا مالباتێن ئاوارە ژ ھەموو پێکھاتەیان ڤەگەریاینە سەر جھێن خوە کو پێشمەرگە ل وان دەڤەرا ھەنە.
گۆت ژی: پێشمەرگە بێ جوداھی ھەموو پێکھاتەیێن ئۆلی و نەتەوەیی ل کوردستانێ دپارێزیت، ھەمان دەم ئارامیێ بۆ ھەموو پێکھاتەیان دروست دکەن و ئەو دەڤەرێن پێشمەرگە دپارێزین چ ئاریشە نینە و ژیانەکا بێ ترس لێ دەرباز دبیت، پێشمەرگەی ب درێژاھیا شەرێ دژی داعشێ ژی شەھید و بریندار بۆھەموو پێکھاتە و ئاینا ل دەشتا نەینەوا داینە.
لیوا تارق سلێمان ھەرنی گۆت ژی: ھەردەما رێورەسمەکێ ئۆلی ل دەشتا نەینەوا ھەبیت ژبەر ھەبۆنا پێشمەرگەی ب ئارامی و سەربەستی دھێنە کرن و تایبەت چەند سالە مەسیحی بێ ترس رێورسمێن خۆ یێن ئۆلی دکەن.
خانی نیوز: رەمەزان ھەرنی
