بەرپرسێ فەرمانگەها سەخبێریا ئاڤێ ل ئامێدیێ دیاركر، كو كۆژمێ سێ ملیار و ٨۳۷ ملیۆن دیناران بۆ بجهئینانا ههژمارهكا پرۆژێن ئاڤێ ل سنۆرێ قەزا ئامێدیێ هاتینه تهرخانكرن.
ئەندازیار بشار حەجی، بەرپرسێ فەرمانگەها سەخبێریا ئاڤێ ل ئامێدیێ بۆ خانی نیوز دیاركر، حكومهتا ههرێما كوردستانێ ئهو كۆژمێ پارهى بۆ چەندین پرۆژێن جودا ل سنۆرێ قەزا ئامێدیێ و بۆ هەموو ناوچهدارى و کۆمەلگەهـ و گوندان دابینکریە بۆ سەخبێرکرن و گەهاندنا هێلا ئاڤێ بۆ مالێن وەلاتیان.
ئەندازیار بشار حەجی گۆت ژى: دابینکرنا ڤی کۆژمێ پارەی دێ ههتا نۆت ژ سهدێ ژ پێدڤیێن هێلا ئاڤا وەلاتیێن سنۆرێ قەزا ئامێدیێ دابین دكهت، فەرمانگەها ئاڤێ ل قەزا ئامێدیێ پێدڤی ب پێنج ملیار دینارێن دی هەیە کو ب تەمامی ئاریشا ئاڤێ چارەسەر بیت.
خانی نیوز، ئێقبال عومەر:
