سەرۆکوەزیرێن سکۆتلەندا راگەھاند، برێکزێت بەرۆڤاژی حەزا سکۆتەلەندا دھێتە بجھئینان و چ رێککەفتن نەشێن قەرەبۆیا وێ بکەت یا ژ سکۆتەلەندییان ھاتیە ستاندن.
ل گۆرەی نووچەیەکێ فرانس پرێس، نیکۆلا ستۆرجن، سەرۆکوەزیرێن سکۆتلەندا راگەھاندییە، دەم ھاتیە سکۆتلەندا ببیتە دەولەتەکا ئەورۆپی یا سەربخوە.
ستۆرجن دوپات کر، برێکزێت بەرۆڤاژی حەزا سکۆتلەندا دھێتە بجھئینان کو ژ سەدێ شێست و دو ژ وەلاتیێن وان دژی دەرکەفتنا ژ ئێکەتییا ئەورۆپا دەنگ دایە، چ رێککەفتن ژی نەشێن وێ قەرەبۆ بکەن یا برێکزێتێ ژ وان ستاندی، دەم ژی ھاتیە ئەو نەخشەرێیەکێ بۆ پاشەرۆژا خوە دانن و ببنە دەولەتەکا سەربخوەیا ئەورۆپی.
ژ ئالیێ خوەڤە حکومەتا بریتانیا رەت دکەت ئەو رێ ب رێفراندۆمەکا نوو بۆ سکۆتلەندییان بدەن کو خوە ژ شانشینا ئێکگرتی جودا بکەن.
