بڕیاره پەرلەمانێ کوردستان ژبۆ دووڤچوونا چاکسازیا بادەکا شەھید و ئەنفالکریان سەرەدانا پارێزگەھا دھۆکێ بکەت.
ژیان تاھر، جێگرا سەرۆکا لژنا شەھید و ئەنفالکریان ل پەرلەمانێ کوردستانێ بۆ خانی نیوز راگههاند؛ لژنا شەھید و ئەنفالکریان د كۆمبوونا خوه دا بڕیار دایه سەرەدانا ھەموو پارێزگەھێن ھەرێما کوردستانێ بکەت ب مهرهما دووڤچوونێ ل دو بابەتان کو گرێدای لژنهیا شەھید و ئەنفالکریانن.
جێگرا سەرۆکا لژنهیا شەھیدان ئاماژەکر، بابەتێ ئێکێ دووڤچوونا چاکسازیانە، ژبهركو ل ھەر رێڤەبەرییهكا گشتی لژنەیەک بۆ چاکسازیێ د بادەکا شەھید و ئەنفالکریان دا ھاتییە پێکئینان ژ بۆ وهرگرتن و كۆمكرنا زانیارییان، تا كو بزانن چەند کار ھاتییەکرن بۆ پاقژکرنا لیستا شەھید و ئەنفالکریان، ژبهركو ل گۆرەی قانوونا چاکسازیێ ھەموو ناڤێن زێدە دێ ھێنە لادان و نابیت کەسەک شەھید نەبیت و مووچێ شەھیدان بۆ بھێتە مەزاختن.
ژیان تاھر گۆت ژی: پەرلەمان دێ دووڤچوونا پارچێن ئەردی بۆ مالباتێن شەھیدان ژی کەت، ژبهركو ھهژمارەک کەس و کارێن شەھیدان فەرمانا وەرگرتنا پارچێن ئەردی ھەیە و حکومەت ب بەھانەیا نەبوونا ئەردی یا بەرھەڤ نینە پارچێن ئەردی لسەر وان بەلاف بکەت.
ھەولێر، قائید میرۆ
