وەزیرێ ساخلهمیا تورکیا راگەهاند، ههكه چ ئاستهنگ چێنهبن، شهڤا ئێكشهمب ل سهر دووشهمبى ئەو ڤاکسینێ ژ چینێ كرى دێ گههیته توركیا.
فەخرەددین کۆجا، وەزیرێ ساخلهمیا تورکیا راگەهاند، ههلسهنگاندنا جڤاتا زانستی ل دۆر ڤاكسینێ چینێ كارتێكرن ههبوویه و ئەو ڤاکسینێ تورکیا ژ چینێ كرى، ناڤێ وى ‘سینۆڤاجینە، ژ وى ڤاكسینى ژى پشت راستن و كارتێكرنا خوه ههیه و جهێ باوهریێ یه، ئەو ڤاکسینە ل دهسپێكێ رێژەیا کاریگەریێ 91.25٪ بوو، د نها دا ئەڤ رێژەیە بلند بوویه.
فەخرەددین کۆجا دبێژیت: دشێن ڤاكسینى رۆژانه بۆ 1.5 ملیۆن تا 2 ملیۆن کەسان بهێته دانان و دێ ژ كارمهندێن ساخلهمى دهستپێكهن، د گهل كارمهندێن ساخلهمیێ ئهو ژى ئێك بیت ژ وان كهسێن دهسپێكێ بۆ بهێته دانان.
ل دووڤ ئامارێن وەزارەتا ساخلهمیا تورکیا، تا نوكه پتر ژ دو ملیۆن و سهد هزار کەس ل تورکیا و باکورێ کوردستانێ تووشی ڤایرۆسێ کۆرۆنایێ بووینه، د ڤێ ژمارەیێ دا نێزیكى دو ملیۆن تووشبووى ساخ بووینه و پتر ژ نۆزده هزار تووشبوویان گیانێ خو ژ دهست دایه.
