ئەڤرۆ ل باژێڕێ هەولێرێ رێکخراوێن تایبەت ب لاوان یێن سەر ب هەموو لایەنێن سیاسی کۆمبوون و پشکدارێن کۆمبوونێ ژی ئاشکراکرن، تنێ ئەڤسالە 15 هزار گەنج چووینە دەرڤە.
سیروان گەردی، پشکدارێ کۆمبوونێ بۆ خانی نیوز دیارکر” ئەم ل سەر ئاریشەیێن گەنجان کۆمبووین و تێدا ب هویری بەحسێ ئاریشەیێن نوکە یێن گەنجان هاتنەکرن، ب تایبەتی قۆناغا نوکەیا هەرێما کوردستانێ پێدڤی ب چارەکرنا ئاریشەیان هەیە.
گەردی ئاشکراکر” تنێ ئەڤسالە 15 هزار گەنج ژ هەرێما کوردستانێ چووینە دەرڤە و داخوازا وەرگرتنا مافێن پەنابەریێ کریە، ئەڤە ژی نیشانا وێ چەندێ یە گەنج قوربانیێن قەیران و رەوشەکا ئالۆزن، لەوڕا ئەرکێ حوکمەتێ و لایەنێن پەیوەندیدارە خوە ل ئاریشەیێن لاوان بکەتە خودان و چارەسەر بکەت.
