نوری مالکی: ھەلبژارتنێن ئیراقێ د دەمێ دیارکری دا ناھێن کرن

سەرۆکێ پێشتر یێ حکومەتا ئیراقێ راگەھاند؛ کۆمسیۆنا ھەلبژارتنێن ئیراقێ نه‌شێت ھەلبژارتنان د دەمێ خوە یێ دیارکری دا بکەت.
نووری مالکی، سەرۆکێ پێشتر یێ حکومەتا ئیراقێ د دیدارەکا تێلەفزیۆنی دا راگەھاند؛ کۆمسیۆنا ھەلبژارتنێن ئیراقێ ب وی گۆتینە کو ئەو نه‌شێن ھەلبژارتنان د دەمێ خوە یێ دیارکری دا بکەن و دەنگۆیەک ھەیە ھەلبژارتن ل مەھا ١٠ و ١١ بھێن کرن، لێ ئەو پێشبینی دکەت ل مەھا خزیرانا سالا ٢٠٢٢ بھێن کرن.
مالكى گۆت ژی: دخوازن خەلک ب رێژەیەکا مەزن پشکداری ھەلبژارتنان بیت کو ب کێماسی ٦٠% بیت کو رێژەیەکا قەبوولکرییە ل سەر ئاستێ ناڤدەولەتی، نەک وەک ھەلبژارتنێن بووری کو رێژەیا ١٩.٤% پشکداری کربوون، ھەروەسا ناخوازن ھەلبژارتن تەنێ وەک پرۆسە بھێت برێڤەبرن بەلکو پێدڤییە ھێزەکا ئاساییشێ بۆ پاراستنا سندۆقان بھێت دابینکرن و ژ سه‌خته‌كارییان بپارێزن.
ل گۆره‌ى پێشبینیێن مالكى بۆ نەخشەیێ سیاسی دیارکر، نه‌شێن پێشبینیا نەخشەیێ سیاسی بکەن ژبەرکو ھەلبژارتنێن بھێن دێ گوهۆرینان دروست كه‌ت، حکومەتا بهێت ژى دێ حکومەتەکا ھەڤپەیمانیی بیت ل سەر بنەمایێ یاسا و دەستوری و قەبارەکێ مەزن ژ پەرلەمانی پێکئینیت و گۆت ژی: ئەو پێشبینی ناکەت کورسیێن شیعەیان بشێوەیەکێ بەرچاڤ کێمبکەن.