شیرەتکارێ سەرۆکوەزیرێن ئیراقێ بۆ کاروبارێن ھەلبژارتنان راگەھاند، وەزارەتا دارایی پێگیرە ب دابینکرنا پارەی پێدڤی بۆ کۆمیسیۆنا بلندا ھەلبژارتنان داکو ھەلبژارتن بھێن کرن.
عەبدولحسێن ھنداوی، شیرەتکارێ مستەفا کازمی گۆت: چ ئاستەنگ بۆ دابینکرنا پارەی بۆ کۆمیسیۆنا بلندا سەربەخۆیا ھەلبژاردنان نینن.
ئاشکرا ژی کر، سەرەرای وێ یەکێ حکومەت بەردەوام داخوازا کێمکرنا خەرجییان دکەت، بەلێ یا پێگیرە پارێ پێدڤی بۆ کۆمیسیۆنێ دابین بکەت ژبو ھندێ ھەلبژارتن بھێنە کرن.
رۆژا پێنجشەمبیا بوری بیست و چارێ دوازدە دوھزار و بیستێ، بەرھەم سالح، سەرۆککۆمارێ ئیراق قانوونا تەرخانکرن و دابینکرنا خەرجیێن ھەلبژارتنێن بھێت یێن پەرلەمانی پەسەندکر.
ل رۆژا سیھی تیرموھا بووری مستەفا کازمی، سەرۆکوەزیرێن ئیراقێ رۆژا شەشی خزیرانا بھێت بۆ ھەلبژارتنێن پێشوەخت دیارکرییە.
