بڕیارە نیڤا سالا بهێت ھەلبژارتنێن بەروەخت ل ئیراقێ بھێنە رێڤەبرن و پەرلەمانتارەکێ پارتی ژی ل جڤاتا نوونه‌رێن ئیراقێ ب دوور دزانین ھەلبژارتن ددەمێ خوەدا بھێنە ئەنجامدان.
بەیار دۆسکی، ئەندامێ فڕاکسیۆنا پارتی ل جڤاتا نوونه‌رێن ئیراقێ بۆ خانی نیوز دیارکر” زەحمەتە پڕۆسا ھەلبژارتنێن بەروەخت ددەمێ خوەدا بھێنە ئەنجامدان، کو نیڤا سالا بهێت ھاتیە دیارکرن، چونکە رەوشا نوکە یا ئیراق تێدا دەرباز دبیت یا ھاریکار و گۆنجای نینە بۆ رێڤەچوونا پڕۆسا ھەلبژارتنان.
بەیار دۆسکی ئاماژەکر” کاودانێن ئیراق تێدا دەر باز دبیت قۆناغەکا دژوارە و رەوشا ئیراقێ یا ئالۆزە، لەوڕاژی ئەز بخوە بدوور دزانم ھەلبژارتن ددەمێ دیاری کری بھێنە ئەنجامدان پێشبینی دکەم بھێنە پاشخستن، چونکە رێڤەچوونا ھەلبژارتنان پێدڤی ب بەرھەڤیان ھەیە.
ھەولێر، قائید میرۆ
