شارەزایەکێ ئابووری بۆ خانی نیوز دیارکر: بلندبوونا بھایێ دولاری بەرامبەر دیناری دێ بیتە ئەگەر وهلاتی و کەرتێ تایبەت زەرەر مە ندبیت.
بەشیر یوسف شارەزایێ ئابووری گوت: سەبارەت بلند بوونا بھایێ دۆلاری و نزم بوونا ئاستێ فروتنێ و بھایێ دینارێ ئیراقی یه سەبارەت ڤێ کێشێ ژی بێ گومان رەھندێن خو یێن درێژ یێن ھەین کو فروتنا پترولا ئیراقێ و ھاتنا دۆلاری بەرامبەر وێ فروتنێ تێرا وان موچە و مەزاختیان ناکەتن، دەمێ ئەڤ دۆلارە دھێت رادەستکرن بۆ بانکا مەرکەزی یا ئیراقی و بانکا مەرکەزی دیناری ددەتە وەزارەتا دارای یا ئیراقی بێگومان ئەڤ چەندە دێ بیتە کێشەکا زۆرا مەزن ژبەر ھندێ ئەڤ بریارە ھاتە دان دۆلار گرانتر بھێتە فروتن بەرامبەر دینارێ ئیراقی کو دێ رێژەکا مەزن یا دینارێ ئیراقی بەرامبەر ڤی دۆلاری ھێته‌كرین.
شارەزایێ ئابووری ئه‌و چه‌نده ژی دازانین كو بێگومان ڤێ چەندێ ژی کارتێکرنێن خو یێن ئەرێنی و نەرێنی ھەنە، یا ئەرێنی ئەوە دێ بوژاندنەکا ئابووری پەیداکەت ل ئیراقێ ب شێوەکێ گشتی دێ رێژا ھاوردەکرنێ کێم بیت، دێ پشت بەستن ل سەر بەرھەمێ ناڤخو ھێتەکرن، لێ ژلایەنێ نەرێنی ئەوە وەلاتیێ ئیراقی و کوردستانی ب گشتی نە وەلاتیەکێ بەرھەم ھێنەرە و پشت بەستنێ ل سەر بەرھەمێن دەرڤە دکەت، ئەڤ چەندە ژی دێ بیتە ئەگەر بھایێ کەل و پەلان بلند ببیت چونکی پتریا کەل و پەلان ب دۆلاری دھێنە کرین، ئەڤە ژی دێ بیتە ئەگەر زەرەر مەندێتن سەرەکی وهلاتی و کەرتێ تایبەت بیت.
خانی نیوز: مەنیجا ئەیوب.
