قایمقامێ سلێمانێ راگه‌هاند، د سه‌رێ سالا نوو دا هه‌ر كافیتریایه‌ك و جهه‌كێ گه‌شتیارى لایڤ میوزیك هه‌بیت، ژ لایێ لیژنا هه‌ڤپشكا قایمقامییا سلێمانیێ دێ هێته داخستن و ب 10 ملیۆن دیناران ژی هێته سزا دان.
قایمقامێ سلێمانیێ ئاماژه ب وێ چه‌ندێ كرییه كو دوماهیك بریارا وه‌زاره‌تا ناڤخۆیى سه‌باره‌ت ب ئاهه‌نگێن سه‌رێ سالێ بۆ خوه‌پاراستنێ و رێگیركرن ژ به‌لاڤبوونا ڤایرۆسێ كۆرۆنایێ یه.
ل دووڤ به‌یانا ژماره 57 یا وه‌زاره‌تا ناڤخوه‌ییا هه‌رێما كوردستانێ كو رۆژا 24ێ ڤێ هه‌یڤێ ده‌رچوویه: ئاهه‌نگا سه‌رێ سالێ قه‌ده‌غه‌یه و هه‌ر جهه‌ك و هوتێله‌ك یان هۆل و كافیتریایه‌ك و هه‌ر جهه‌كێ دى بۆ مه‌ره‌ما ئاهه‌نگێرانێ به‌رهه‌ڤكربیت دێ ب كۆژمێ ملیۆن دیناران هێته سزادان و دگه‌ل داخستنا ئه‌وى جهى بۆ ده‌مێ هه‌یڤه‌كێ.
بریاره ئه‌ڤرۆ ژى قایمقامێ دهۆكێ سه‌باره‌ت ئاهه‌نگێن سه‌رێ سالێ بریارا دوماهیێ بده‌ت.
و ل دووڤ ئامارێن وه‌زاره‌تا ساخله‌میێ، د ده‌مێ بوری دا ئامارێن تووشبوون و مرنێ ب ڤایرۆسێ كۆرۆنایێ به‌ر ب كێمبوونێ ڤه چوویه.
