خانى نیوز:
ئاژانسا هه‌والگیریا ئیراقێ ده‌سته‌سه‌ركرنا فه‌رمانده‌یه‌كێ داعشێ ل ناحیا شوان ل پارێزگه‌ها كه‌ركوكێ راگه‌هاند.
ل دووڤ راگه‌هاندنا ئاژانسا هه‌والگیریا ئیراقێ، ئه‌ڤرۆ رۆژا ئێكشه‌مبى 27-12-2020ێ هێزه‌كا ب سه‌ر رێڤه‌به‌راتییا هه‌والگیرییا پۆلیسێن فیدرال فه‌رمانده‌یه‌كێ داعشێ دناڤ مالا ویدا ل ناحیا شوان ل پارێزگه‌ها كه‌ركووكێ ده‌سته‌سه‌ر كرییه.
ئه‌و فه‌رماندێ داعشێ به‌رپرسێ گرۆپه‌كا سه‌ربازییا كه‌رتێ كه‌ركوكێ، نه‌ینه‌وا بوو و پۆلیسێ ئیسلامیێ داعشێ بوویه، هه‌روه‌سا وه‌كو سه‌ربازه‌كى بوو ل فیرقا قادسییه و دیوانییه.
د راگه‌هاندنێ دا ئاماژه ب وێ چه‌ندێ كرییه، هه‌والگیریێ تیمه‌كا كارێ تایبه‌ت پێكئینایه و دووڤچوون و چاڤدێریا وى كرییه ل ناحیا شوان ل پارێزگه‌ها كه‌ركوكێ و ب سه‌ر مالا ویدا گرتییه و هاتییه ده‌سته‌سه‌ركرن. و به‌رى نوكه و لدووڤ ماددێ 4ێ یاسایا تیرۆرێ ژلایێ دادگه‌هێ ڤه یێ داخوازكریبوو.
