خانى نیوز
په‌یڤدارێ وه‌زاره‌تا چاندنێ یا حكومه‌تا هه‌رێمێ راگه‌هاند، به‌رى نوكه و ژ ئه‌گه‌رێ تێكچوونا به‌رهه‌مئینانێ و بهایێ دراڤی وه‌لاتێن هه‌فسى كێمتر بوویه ژ دراڤێ ئیراقێ، و به‌رهه‌مێن ناڤخۆیى نه‌شیاینه هه‌ڤركییا به‌رهه‌مێن بیانى بكه‌ت.
كێمبوونا بهایێ دراڤێن هه‌فسى كاریگه‌رییه‌كا نه‌رێنى كرییه سه‌ر به‌رهه‌مێن نافخۆیێن مه.
حسێن حەمە كەریم، په‌یڤدارێ چاندنێ و ژێده‌ر ئاڤێ راگه‌هاندییه، ئێك ژ ئاریشه‌یێن به‌رى نوكه یێن هه‌ریمێ و ئیراقێ ئه‌و بوو كو ب ئه‌گه‌رێ نزمبوونا بهایێ دراڤێ وه‌لاتێن هه‌فسى كاریگه‌رییه‌كا نه‌رێنى كرییه سه‌ر به‌رهه‌مێن ناڤخۆیى، كو رێژا تێچوویا به‌رهه‌مێن وان كێمتر بوویه ب به‌راوردى دگه‌ل تێچوویا به‌رهه‌مێن ناڤخۆیى، ئه‌ڤه ژى وه‌كرییه كو ژلایێ بهایى ڤه به‌رهه‌مێن مه نه‌شیاینه هه‌ڤركییا به‌رهه‌مێن بیانى بكه‌ت.
بریارا نزمبوونا بهایێ دینارى دێ كاریگه‌رییه‌كا ئه‌رینى هه‌بیت ل سه‌ر گه‌شه‌كرنا به‌رهه‌مێن ناڤخۆیى، چونكى دێ سه‌ره‌ده‌رى ب وان به‌رهه‌مان ب دۆلارى هێته‌كرن.
پێدڤییه پلانێن تایبه‌ت بهێنه دانان ل گه‌ل جێگیربوونا بهایێ دینارى ئه‌و په‌یڤدارێ وه‌زاره‌تا چاندنێ: ئه‌و چه‌نده ژى دیاركرییه كو بریارا بانكا ناڤه‌ندى ئه‌گه‌ر ب باشى مفا ژێ هاته وه‌رگرتن و هه‌مى ژى بۆ وان به‌رهه‌مێن ناڤخۆیى د هه‌ڤكار و هه‌ماهه‌نگ بن، له‌ورا جێگیربوونا بهایێ دینارى پێدڤییه وه‌ك حكومه‌ت و جهێن په‌یوه‌ندى دار پلانێن تایبه‌ت بۆ ڤى بابه‌تى هه‌بن.
