رێڤەبەرێ پاسپۆرتێن پارێزگەھا دھۆکێ ئاشکراکر کو پێشتر رۆژانە ٢٠٠٠ کەسان سەردانا رێڤەبەریێ دکر، لێ نھا رۆژانە ٢٠٠ کەس سەردانێ دکەن و پتریا خەلکێ دھۆکێ ب پاسپورت کەفتیە.
عەمیدێ مافپەروەر دلدار نووری عەباس، رێڤەبەرێ پاسپۆرتێن پارێزگەھا دھۆکێ بۆ خانی نیوز گۆت: بەلاڤبوونا ڤایرۆسێ کۆرۆنایێ کارتێکرن کربوو ژبەرکو رۆژانە ٧٠٠ ھەتا ١٠٠٠ مامەلێن خەلکی وەردگرتن و ب دەمێ حەفت رۆژان پاسپورتا خوە وەردگرت، پشتی ھاتنا ڤێ نەخوشیێ ئەڤ ھەژمارە ب نیڤی بوویە و گەلەک کێمترە ژی و گەلەک رێک ھاتینە گرتن و و فرۆکخانە ھاتینە گرتن و گەشتیاری کێم بوویە و خەلکێ ھاتیە رێڤەبەریێ ژی مەرەم ئەوە بتنێ بۆ نەخۆشیا بووینە، ھەتا نھا ژی رێنما ھەنە و چ ئاریشە بوو پەیدا نەبوویە و ھاریکاریا خەلکی ب گشتی ھاتیەکرن.
عەمید دلدار گۆت ژی: پشتی رێڤەبەریا پاسپۆرتێن زاخۆ ھاتیە ڤەکرن گەلەک بارێ وان وەک سڤک بوویە و خەلکێ زاخۆ و دەردۆرا ھەموو سەردانا وی جھی دکەن، د بەرنامەی دایە ل قەزا ئاکرێ ژی رێڤەبەریەک بھێتەڤەکرن و نھا جھێن دوور ڤەکۆلین دھێنەکرن کو رێڤەبەری بھێنە ڤەکرن و ل دھۆکێ چ کێشە نینە.
ناڤبری گۆت: ئێک ژ ئاریشێن ھەرە سەرەکی رێڤەبەریا پاسپورتان خەلک ناھێتە پاسپۆرتێن خوە وەربگریت، سیستم ھاتیە دروستکرن کو پەیوەندی ب وی بھێتەکرن کو بھێت پاسپۆرتا خوە وەربگرن و د بەرنامەی دایە کو مەسەجەک بۆ وی کەسی بھێتە ھنارتن ئەوێ بخوە پاسپۆرت دروست کری و ئەڤە دێ سالا نوو کەڤیتە کاری و بتنێ ئەڤ سیستەمە دێ ل رێڤەبەریا وان پەیرەوکرن و پارێزگەھێن دیێن عیراقێ نینە.
ھێشتا گۆت: ژڤان بوو پاسپۆرت بھێنە گوھۆرین بۆ سیستەمێ سیم کارت، لێ ژ بەر نەخۆشیا کۆرۆنایێ ئەو گوھۆرین ھاتە راوستاندن، ئەو پرۆژە ژی یێ حکومەتا بەغدا یە و بەرنامەک ھەبوو وەک رێڤەبەریا رەگەزنامێ ل گەل وەزارەتا ناڤخوە و ھەموو وەک عیراق و کوردستان پاسپۆرت بھێتە گوھۆرین.
رێڤەبەرێ پاسپورتان گۆت ژی: پتریا خەلکێ دھۆکێ پاسپۆرت ھەیە و بتنێ خەلکێ دەڤەرێن دوور نوکە نینە، ھەر کەسەکێ پێشکێشی پاسپۆرتێ بکەت د دەمێ ٧٢ دەمژمێران دا دەردکەڤیت، ھێشتا vip ھەیە و ھەمان رۆژ دا وەردگریت و بۆ بازرگان و نەخۆشیا‌نە.
ناڤبری گۆت: پشتی قانوونا نوو یا پاسپۆرتان دەرکەفتی بۆ ئەو کەسێ پاسپورتێ بەرزە بکەت گەلەک ب ساناھی کەفتیە و تایبەت یێن ھەرێما کوردستانێ.
خانی نیوز، سالار محەمەد دۆسکی:
