فەرمانا دەستەسەرکرنا بهرپرسێ ئێمناهیێ یێ حزبوللاها ئیراقى دەرکەفت، پشتی کو راگەھاندی دێ ھەردو گوھێن سەرۆکوەزیرێن ئیراقێ وهكو بزنان بڕیت.
ل گۆرهى ئاگتهیێن میدیایا ئیراقى، فەرمانا دەستەسەرکرنێ بۆ ئەبو عەلی عەسکەر، بهرپرسێ ئێمناهیێ یێ حزبوللاها ئیراقى و سەرکردەیێ حەشدا شەعبی ھاتییە دەرکرن، پشتی گەف ل مستەفا کازمی کرین و راگەھاندی، دێ گوھێن وی وەک یێن بزنان بڕن، لێ ئەبو عەسکەر یێ ب فەرمانا بەرپرسێن ئیرانێ کاردکەت، ژ ترسا دەستەسەرکرنێ رەڤییە و نھا ژدەرڤە یێ وەلاتی یە.
ژێدەرەکێ دادوەری ژی دیارکرییە، ژ بلی ئەبو عەلی عەسکەر، فەرمانا دەستەسەرکرنێ بۆ دو سەرکردەیێن دی ژی دەرچوویە ب تۆمەتا ھێرشکرنێ بۆ سەر بالیۆزخانەیا ئەمریکا ل بەغدا.
ئەبو عەلی عەسکەر، ناڤێ وی حوسێن موئنسە و ب ئەبو موسەنا ناسیارە، تا نھا چ وێنەیێن وی نەھاتینە بەلاڤەکرن و ژ بلی گەفان ل مستەفا کازمی، تاوانبارە ب پلاندانانا کوشتنا ھیشام ھاشمی، نڤێسەر و شرۆڤەکارێ ئەمنی کو بەریا چەند مەھان ل بەغدا ھاتییە تیرۆرکرن.
