جۆتیارەکێ پارێزگەھا دھۆکێ بۆ جارا ئێکێ ھەژمارەکا ترنجان دناڤا بیستانێ خوە دا ل گوندەکێ قەسرۆکێ بەرھەمئینان.
کیڤی دەکانی، جۆتیار و وەلاتییەکێ گوندێ چەم ئەرزنێ یا سەر ب ناحیا قەسرۆکێ، بۆ خانی نیوز راگەھاند؛ ترنج ئێکە ژ بەرھەمێن زڤستانی و ھەتا نها ل ھەرێما کوردستانێ و پارێزگەھا دھۆکێ نەھاتیە چاندن و ئەگەر ھەبیت ژی تنێ دارەک بوویە، گۆت ژی: وی د ناڤا بیستانێ خوە دا ل مال ھەژمارەکا دارێن ترنجێ چاندینە ژبەرکو گوندێ وی دکەڤیتە دەڤەرەک چیایی و سارە و بۆ چاندنا ترنجێ گونجایە.
جۆتیار کیڤی دیارکر، ترنج مینا لیمونێ یا ترشە و سەنگا وێ دناڤبەرا 500 گرام تا ھزار و 1500 گرامایە و ژ بلی خوارنێ ژی بۆ جوانیێ د ھەلگرن کو جوانییەکا زێدە ھەیە و بەرگریا زور دەمی دکەن پشتی دھێتە چنین، ل دۆر خوارنا وێ ژی ب دو شێوەیان دھێتە خوارن وەکو نیمۆکێ بخۆت ژبەرکو یا تڕشە ب تایبەتی ئەگەر بکەنە ناڤا زەلاتێ دا، دیسان دناڤ زکێ ترنجێ دا ماددەکێ سپی ھەیە و ئەوی ماددەی دکەنە مورەبا کو تامەکا خۆش و جودا ھەیە.
کیڤی دەکانی گۆت ژی: ترنج تازە گەھشتییە بەرھەمی و تا نھا نەفرۆتیە، لێ ل سالێن بھێن دێ فرۆشن ژی، ژبەرکو ئەڤ جۆرە فێقیە ل بازاڕی نینە و ژ دەرڤە ژی ناھێت.
خانی نیوز، نەوزاد ھلۆری:
![](https://www.xaninews.com/wp-content/uploads/2020/12/viber_image_2020-12-30_10-54-31-1-225x300.jpg)
![](https://www.xaninews.com/wp-content/uploads/2020/12/viber_image_2020-12-30_10-54-3133-225x300.jpg)
![](https://www.xaninews.com/wp-content/uploads/2020/12/viber_image_2020-12-30_10-54-3155-225x300.jpg)