جێگرێ سەرۆکوەزیرێن هەرێما کوردستانێ راگه‌هاند، نابیت رێكێ بده‌ن ناكوكیێن سیاسى و حزبى ب سه‌ر ئارمانجێن گه‌ل دا زال بن، پاراستنا خه‌لك و نیشتمانى و قه‌وارێ هه‌رێما كوردستانێ ژ هه‌موو تشته‌كى گرنگتره.
قوباد تاله‌بانى د په‌یامه‌كێ دا ب هه‌لكه‌فتا سه‌رێ سالا نوو ئاشكرا كر، پشتى هه‌ر نه‌خۆشییه‌كێ رۆناهیه‌كا خۆشیێ هه‌یه و تونێله‌ك چه‌ندا درێژ و تارى بیت، د دوماهیێ دا رۆناهى دیاره، كوردستان ژى نه‌شێت وێ یه‌كێ بكه‌ت هه‌كه ناڤمالا كوردى یا رێكخستى نه‌بیت.
قوباد تاله‌بانى راگه‌هاند، خه‌لكێ كوردستانێ هه‌میان پێكڤه ساله‌كا دژوار و سه‌ختا دارایى و ساخله‌مى بووراند و ل ده‌ستپێكا سالا نوو دا نابیت رێكێ بده‌ن ناكوكێن سیاسى و حزبى ب سه‌ر ئارمانجێن گه‌ل زال بن.
تاله‌بانى دیاركر ژى، ئه چاڤه‌رێ وێ یه‌كێ نه كو بزاڤێن وان د ده‌مێ بهێت دا به‌ر ب ده‌ستكه‌فتێن مه‌زن بچن و گاڤێن باش بهێنه هاڤێتن بۆ ئیراقێ ب گشتى و هه‌رێما كوردستانێ ب تایبه‌تى.
