وه‌زیرێ پێشمه‌رگه‌ى یێ حكومه‌تا هه‌رێمێ راگه‌هاند، هنده‌ك گرۆپێن جودا ب ته‌عریبكرنا هنده‌ك ده‌ڤه‌ران رابووینه و خه‌لك ژى نه‌چاركرییه كو مالێن خۆ بهێلن و ئه‌و دژى وان كار و ره‌فتارانه.
شوره‌ش مسته‌فا وه‌زیرێ پێشمه‌رگه‌ى ب هه‌لكه‌فتا سه‌رێ سالا نۆى راگه‌هاند، جاره‌كا دى ته‌عریب و په‌نابه‌ربوون و هزرێن شۆڤینى قه‌بوول ناكه‌ن و دێ پشته‌ڤانییا ده‌ستوورێ هه‌میشه‌یێ ئیراقێ كه‌ن، ده‌ستان ژى ژ مافێن نه‌ته‌وه‌یی و نشتیمانى به‌رناده‌ن.
شۆره‌ش مسته‌فا راگه‌هاند ژى، ئیراق و ده‌ڤه‌ر د ره‌وشه‌كا دژوار دا ده‌رباز دبن و روودان و پێشهاته‌یان كارتێكرن ل سه‌ر هه‌رێما كوردستانێ ژى هه‌یه، دوپات ژى دكه‌ن كو تاكه رێك بۆ گه‌هشتنا كه‌نارێ ئارامیێ ئێكرێزی و ئێكهه‌لویستییه، ژبه‌ر هندێ ژى بلا سالا نوو بكه‌نه گاڤه‌ك بۆ ئێكرێزیێ ب هیڤیا هندێ ژى كو پاشه‌رۆژه‌كا گه‌شتر هه‌بیت، داخواز ژى كر سالا نوو سالا چاره‌سه‌ركرنا ئاریشان بیت د گه‌ل به‌غدا.
