حکومەتا ئیراقێ گرێبەستا کڕینا ڤاکسینا دژی کۆرۆنایێ ئیمزاکریە و پەیڤدارێ وەزارەتا ساخلەمیێ ژی ئاشکراکر، بەرھەڤی ھاتینەکرن و ھەیڤێن دەستپێکا سالێ دێ ڤاکسین گەھیتە ئیراق و ھەرێما کوردستانێ.
دکتۆر ئاسۆ حەوێزی، پەیڤدارێ وەزارەتا ساخلەمیێ بۆ خانی نیوز راگەھاند؛ حکومەتا ئیراقێ گرێبەست بۆ کڕینا ڤاکسینا کۆرۆنایێ گرێدایە و بڕیارە 15 ھزار ڤاکسینان بکڕیت، لێ ھەموو پێکڤە ناگەھن، ژبهركو ھەموو ولاتێن ڤاکسین کڕی ب سەر ئێک وەر ناگرن، بەلکو ب چەند قۆناغەکان ڤاکسین دێ ل سەر ولاتێن جیھانێ ھێتە بەلاڤکرن.
پەیڤدارێ وەزارەتا ساخلەمی گۆت ژی: بریارە د قۆناغا ئێکێ دا 1500 ڤاکسین بگەھنە ئیراقێ ل دەستپێکا ھەیڤێن ئێکێ یێن سالێ، کو بەھرا 750ھزار کەسانن و بەھرا ھەرێما کوردستانێ ژی تێدایە.
ل دۆر بەرھەڤیا جھێ ڤاکسینێ دکتۆر ئاسۆ حەوێزی ئاشکراکر، راستە پێدڤی ب جھەکێ گونجای ھەیە و ل ھەرێما کوردستانێ ژی بەرھەڤی ھاتینەکرن، بەلێ پشتی گەھشتنێ دێ بڕیار ھێتە دان پشکا ھەرێما کوردستانێ دێ چەند بیت و دەستپێکێ دێ کیش وەلاتی بکارئینن.
ھەولێر، قائید میرۆ
