وەلاتییەکێ باژێرێ دھۆکێ وەک ژینگەھـ پارێزەک رابوویە ب چاندنا داران ھمبەری دوکانێن خوە کو دکەڤنە جادا تەنشت ئامادەیا میدیا یا کچان.
ئەمین زێرو، وەلاتیەکێ باژێرێ دھۆکێ، دوکانەکا ئاری ل تاحێ زۆزان ھەیە، وەک ژینگەھـ پارێزەک و ئەرکەکێ نەتەوەیی رابوویە ب چاندنا داروباری ل سەر جادێن تاخێ زۆزان تەنشت ئامادەیا میدیا.
ئەمین زێرو بۆ خانی نیوز گۆت: پتر ژ ١٠ سالانە قوتابخانە ھاتیە دروستکرن جھێ چاندنا داران ھێلا بوون، ئەو ل گەل دوکاندارێ جیرانێ خوە ب ناڤێ حەجی سالح ئەڤریکی رابووین ب چاندنا داران و وان دڤێت خەلکی ژی چاڤ لێ بکەت بۆ جوانیا باژێری و پاقژیە ژبەرکو نەخوشە جھێ دارێ ھەبیت و دار نەبیت.
ئەمین زێرو ئاشکراکر، وەک دەسپێک ھەشت دار چاندن و ل بەرە جادێ ھەموویێ بکەنە دار و ئەڤە دەسپێکەک بوو و دێ بەردەوامیێ دەنە سەر وی کاری و ئەڤسالە دێ جادێ ھەموویێ کەنە دار و دێ چاڤدانێ ژی لێکەن.
ناڤبری گۆت ژی: داخوازێ ژ حکومەتێ دکەن ل گەل وان ھاریکاربیت و تایبەت ئاڤدانێ ژ وان ڤەکەت ژبەرکو ئەو ئاڤدانێ ب سەتلان دکەن.
