ئەڤرۆ نیڤرۆ ل سەر رێکا زاویتە – دھۆک ژئەگەرێ لەزاتییێ ترومبێلەک وەرگەریا و د ئەنجام دا کەسەکی گیانێ خۆ ژ دەست دا و سێ کەس ژی برینداربوون.
موقەدم ئازاد تاھا بەرپرسێ راگەھاندنا رێڤەبەریا ھاتن و چوونێ ل پارێزگەھا دھوکێ بۆ خانی نیۆز دیارکر: ئەڤرۆ رۆژا ئەینی رێکەفتی ٨/١/٢٠٢١ ل دەمژمێر ١٢:٣٠ی نیڤرۆ ل سەر جاددا د ناڤبەرا ناحیا زاویتە بۆ پارێزگەھا دھۆکێ نێزیک دووریانا گۆندێ (بابلۆ) ترۆمبێلەکا ژ جۆرێ (نیسان سێنترا) وەرگەریا و دئەنجام دا کەسەکێ گیانێ خۆ ژ دەست دا و سێ کەسێن دی ژی برینداربوون و رەوانەی نەخۆشخانێ ھاتن کرن.
ناڤھاتی ئەڤ چەندە بۆ نەپێگیریکرن ب رێنمایێن ھاتن و چوونێ ڤەگەراندن و داخاز کر کو شوفێر پێگیریێ ب رێنمایێن ھاتن و چوونێ بکەن داکو گیانێ وان و وەلاتییان ێی پاراستی بیتن.
خانی نیۆز، سامی رێکانی
