ئەو کەسێن رۆژانە ژبلى سێ دانێن خوارنێ، چەندین دانێن دى دخۆن و هەست ب تێربوونێ ناکەن، کێم نینن و بهرهنگاربوون دگهل برسیبوونا ههردهمى کارهكێ ب ساناهى نینە، بەلێ ئەگەر ته دڤێت کێشاته زۆر نهبیت و ته لهشهكێ جوان ههبیت، پێدڤییه زوى تێرببى، بۆ ڤێ مهرهمێ ژى نوژدار گههشتینه وێ ئهنجامێ: ههتاكو كێم كالورى بگههیته لهشێ مروڤى، پێدڤییه كێمتر بخۆن و لدووڤ رێكهكێ بگهرن كو زوى ههست ب تێربوونێ بكهن.
نوژداران راگههاندییه ژى، ئەو خوارنێن زهنگینن ب فیبریێ زۆر، هەلبژاردنهكا باشن و لدووف خوارنێ زوى ههست ب تێربوونێ دكهن، ئهو ژى بریتینه ژ: بقولیات، فێقى، كهسكاتى كو گهلهك فیبری تێدا ههیه و دگرانن زوى حهل نابن، لهورا حەزا خوارنێ كێم دكهن. ئێك ژ رێكێن دى یێن كێم خوارنێ، خوارنا تراكهكێ سوپێ یه، یان خوارنا پەرداخهكێ ئاڤێ، یان کووپهكێ شیرى بهرى خوارنێ، چونکى ب شێوێ سروشتی حەزا گهلهك خوارنێ کۆنترۆل دكهت.
ل دووماهیێ مفایێ خوارنا پرۆتینان ب ههمان شێوێ فیبریێ؛ خوارنی بۆ ماوەیەکی زۆر د گەدێ دا دەمینیت و درەنگ هەرس دبیت بۆ چەندین دهمژمێرا مرۆڤ دێ هەست ب تێربوونێ كهت.دناڤ دانێن خارنێ دا، پێكولێ بكه مفاى ژ خوارنا رێژهكا چەرەزا و ماستى وەرگرى، تا دهمێ خوارنا نیڤرۆ یان ئێڤارى زێدهخارنێ نهخوى تا كێشا ته زۆر نهبیت.
