جێگرا سەرۆکێ فراکسیۆنا پارتى، ل پەرلەمانێ کوردستانێ بۆ خانى نیوز دیارکر، دادپەروەرییا باجێ دەرگەهەکێ سەرەکی یە بۆ چاکسازیێ و ئامانج ژێ گەشەپێدانا چاڤکانیێن دەولەتێ یە، گۆت: پرسا چاکسازیێ ل هەرێما کوردستانێ ژ لایێ کابینا نەهێ ب سەرۆکاتییا مەسرور بارزانی بەردەوامە و دێ بەردەوامە بیت.
نەجات شەعبان ئامێدی جێگرا سەرۆکێ فراکسیۆنا پارتى دیار ژى کر، سەرۆکێ حکومەتێ ئیمزا ل سەر فەرمانا پاکێجێ دوویێ یێ چاکسازیێ د سیستەمێ باجێ دا کر و کومەکا بریارێن گرنگ دان. ناڤهاتیێ گۆت ژی: ئێک ژ هێلێن گشتی یێن بەرنامێ کابینا نەهێ یا حکومەتا هەرێما کوردستانێ چاکسازییە د سیستەمێن باجێ دا، وەک رێکخستنا باجێ ب میکانیزم و پیڤەرێن نوو و وەرگرتنا باجێ ب دادپەروەری و رێگرتن ژ خۆ ڤەدزین ژ باجێ.
هەروەسا نەجات شەعبانێ تەکەز ژی کر، دادپەروەری د سیستەمێ باجێ دا دەرگەهەکێ سەرەکی یە بۆ چاکسازیێ و ئامانج ژێ گەشەپێدانا چاڤکانییێن دەولەتێ، جێبەجێکرنا دادپەروەریا جڤاکی، خۆش گوزەرانییا جڤاکی، رێکخستانا دەزگەهێن حکومەتێ یە. و دیار ژى کر، ئەڤێ یەکێ رۆلەکێ گرنگ یێ هەی د ئابوورێ وەلاتی دا و ئامیرەکە ژ ئامیرێن سیاسەتا مالی یا حکومەتێ بۆ جێبەجێکرنا سەقامگیرییا ئابووری و دەرئەنجامێ وێ ژی زێدەبوونا داهاتی و دابەشکرنا مووچەی د دەمێ خوەدایە.
خانى نیوز، مهحمود نهێلى
