سعوودیە کو مەزنترین بەرھەمھێنەرا نەفتێ یە ل جیھانێ، بزاڤا ھەمەجۆرکرنا ژێدەرێن داھاتی دکەت، بۆ ڤێ مەرەمێ دێ باژێرەکێ ژینگەھی و بێی دویەم ئۆکسیدێ کاربۆنی ب ناڤێ (زە لاین) ئاڤا کەت.
ئەو باژێرە دکەڤیتە دورگەھەکێ ل باکووری رۆژئاڤایێ سعوودیە و دێ بیتە مەزنترین باژێر ژ روویێ پاراستنا ژینگەھێ ڤە و دێ ھەموو خزمەتکاریێن وەکو ڤەگوھاستنێ و بازاری و کارگەھان کەڤنە ژێر ئەردی.
د کڤانی پلانا ئابووری یا ٢٠٣٠ یا وەلاتێ سعوودیێ دا، کو مەرەم پێ ھەمەجۆرکرنا ژێدەرێن داھاتییە، (محەمەد بن سەلمان) شاھزادێ جھنشینا سعوودیێ گۆتییە، پرۆژێ باژێرێ زە لاین یێ جودایە، ب رەنگەکێ کو رێژا دویەم ئۆکسیدێ کاربۆنی و ترۆمبێل و جادەیان دێ کەینە سفر، بۆ ڤێ مەرەمێ دێ ٩٥% گرنگی ب کەسکاتیێ ھیتەدان.
محەمەد بن سەلمانی دیار کرییە ژی، ئەو پرۆژەکە دێ بیتە پشتەڤانییەکا باش یا دارایی بۆ حکومەتا سعوودیێ و سندۆقا وەبەرئینانێ، ب وی رەنگی کو د دەمێ ١٠ سالێن بھیت دا دێ ٥٠٠ ملیار دۆلاران ئیخیتە سەر داھاتێ وان، تێچوویێ دروستکرنا وی پرۆژەیی ژی دێ ١٠٠ ھەتا ٢٠٠ ملیار دۆلار بن.
ھەروەسا ئاشکرا کرییە، دێ باژێرەکێ ملیۆنی ب درێژاھییا ١٧٠ کیلۆمەتران ئاڤا کەن، د وی باژێری دا دێ پارێزگاریێ ل ٩٥% یا کەسکاتییێ ھێتەکرن، دێ ھژمارا ترۆمبێلان تێدا سفر بیت ، ھەروەسا رێک و پر و رێژا دویەم ئۆکسیدێ کاربۆنی ژی دێ تێدا بیتە سفر.
