ژنه‌كا شێلادزێ بۆ خانی نیوز گۆت: وێ ل سالا ١٩٦٨ ێ داوەتا خۆ کربوو، ل وی دەمی دا جل و بەرگ ب دەرزیکێ دھاتنە دروین ئەڤ پێشکەفتنە نەبوو کو ب ماکینێن دروارێ جلكێن بویكێ به‌رهه‌ڤكه‌ن، دەمێ جل و بەرگێن بویکێ ژی کریبان دا داننە دناڤ سندوقەکا ئاسنی دا و بۆ مالا بویکێ به‌ن.
وێ ژنێ نه‌ڤییا ناڤێ وێ بهێته بلاڤكرن بۆ په‌یامنێرێ مه ل شێلادزێ گۆتییه: هه‌رچه‌نده هه‌موو كه‌ل و په‌لێن دى یێن ناڤا سندۆقێ نه‌مایه، لێ ئه‌ڤه ئەڤە وەکو بیرھاتنەک یا بۆ من مایی و من گەلەک یا پاراستی دا کو کچ و کورێن نوکە بزانن کا ل وی دەمی دا چەوا پێدڤیێن بویکان پەیدا دکرن و پێدڤیێن وان د چەوا بوون.
وێ ژنێ گۆت ژى: د وی دەمی دا ژیان گەلەک یا ب ئاستەنگ بوو، ھەتا ئه‌و شیابان سندوقەکا ھوسا کریبان دا چنە مووسلێ. لێ نۆکە یا ب ساناھی کەفتی، هه‌ر ل بەر دەرێ خانی دێ چنە د ناڤا بازاری دا و بویکێ چ دڤێتن دێ کریتن .
پاراستنا کەل و پەلێن کەڤن ژ پێدڤییانە کو ببنە بەلگە ل سەر ژیانا بەرێ و ھەروەسا د موزەخانه‌یێن گشتی دا بهێنه هه‌لگرتن، دا بهێته زانین کا ل وی دەمی دا ژیان ب چ رەنگی بوو. ئەڤ سندوقە ژی ئێک ژوان کەل و پەلانە کو دڤێتن ل مۆزەخانان بھێنە پاراستن.
خانی نیۆز، سامی رێکانی
