ب تومەتا سڤکاتیکرنێ ب پەرلەمانێ کوردستانێ، ئەڤرۆ پەرلەمانێ کوردستانێ سکالا یا یاسایی ل سەر هۆنه‌رمه‌ند هەڵگوڕد قه‌هارى تۆمارکر.
پشتی كو د ڕۆژێن دەربازبووی دا هۆنه‌رمه‌ند هەڵگوڕد قهار كو ئاکنجیێ پاڕێزگەها دهۆکێ یه، ڤیدیۆ کلیپەکا خۆ ب ناڤێ (خه‌ربط) به‌لاڤكرى كو دوماهی بەرهەمێ وییە، په‌یڤێن ڤیدیۆ كلیپا وى كو ده‌رباره‌ى پەرلەمانێ کوردستانێ و ره‌وشا هەرێما کوردستانێ یه، بوویه جهێ نه‌رازیبوونا په‌رله‌مانێ و ب ڤێ ئه‌گه‌رێ ژى لێژنا یاسایى ل په‌رله‌مانێ كوردستانێ سكالا ل سه‌ر هۆزانڤانێ ناڤبرى تۆماركریه
سامان ئەحمەد رێڤەبەرێ راگه‌هاندنا پەرلەمانێ کوردستانێ راگەهاند : ئەڤرۆ لیژنا یاسایی یا پەرلەمانێ کوردستانێ سکالا ل دژی هونەرمەندێ ناڤبری تومارکریە چونکی سڤکاتی ب پەرلەمانی کریە کو پەرلەمان نینەرێ راستەقینە یێ خەلکییە.
ناڤهاتى گۆت ژى: ب بۆچوونا وان ئەڤە سڤکاتییە ب هەمی خەلکێ هەرێما کوردستانێ.
رێڤەبەرێ راگه‌هاندنا پەرلەمانێ کوردستان گۆت ژى: ڤیدیۆ کلیپا وی یا ب ناڤێ “خەربط” سڤکاتی ب دەزگەهێن فەرمی یێت حکومەتێ کریە و ئەڤەژى بەروژڤاژی یاسایێ یە و وان سکالا ل دادگەها دهۆکێ ل دژی ڤی هونەرمەندی تۆماركرییه.
خانى نیوز په‌یوه‌ندى ب هه‌لگورد قه‌هارى كر، لێ كه‌سه‌كى ب ناڤێ نڤیسینگه‌ها وى به‌رسڤدا و راگه‌هاند، جارێ هه‌لگورد قه‌هار به‌رهه‌ڤ نینه هیچ لێدوانه‌كێ ل دۆر ڤێ كه‌یسێ بده‌ت.
خانى نیوز، سەعد عاسف
