ههتا نوکە ههڤركى دناڤبهرا ههردو یاریكهران رۆنالدۆى و مێسى دا ههیه و ب رهنگهكێ بەردەوام ژ ئالیێ دەزگههێن راگههاندنێ و خهلكى ڤه، هەڤبەری د ناڤبەرا مێسی و كریستیانۆ رۆنالدۆی دا دهێنەکرن وەک دو باشترین یاریکەرێن ل سەر ئاستێ جیهانێ، پشتی مێسى ب کارتا سۆر د یارییا سۆپەرا ئسپانیا دا هاتییە دەرخستن، بابهتێ دهرخستنا وى د سۆشیال میدیایێ دا گهلهك رهنگڤهدان ههبوویه.
پشتی د یارییا ههمبهرى یانا ئهتلهتیكۆ بلباو دا و ل خۆلهكێن دووماهیێ یێن یاریێ دا مێسی ب کارتا سۆر هاتییه دهركرن، ئهڤه دبیتە ئێکەم کارتا سۆر وى ل گەل یانەیا کەتەلۆنی وەرگرتبیت، د نوكه دا بابهتێ وەرگرتنا کارتێن سۆر د ناڤبەرا مێسى و کریستیانۆ رۆنالدۆی یاریکەرێ یانا یۆڤێنتۆس، بوویە بابەتێ گەرم یێ دهزگههێن راگههاندنا جیهانى، هەتا نوکە رۆنالدۆى ل گەل وان یانێن وى بۆ یارى كرین، ١١ جاران ب کارتێن سۆر هاتییە دەرخستن، لێ ههتا نوکە وى ل گەل هەلبژارتیێ وەلاتێ خوه چ کارتێن سۆر وەرنەگرتینە، لێ مێسی دو کارتێن سۆر ل گەل هەلبژارتیێ ئەرژەنتینێ وەرگرتینه، ئێکەم کارتا سۆر ل گەل یانا بارسێلۆنا ژی وەرگرت.
