سەرۆکێ ھەرێما کوردستانێ و وەزیرێ بەرگرییا تورکیا کۆمبوون پرسێن د ناڤبەرا هەردو ئالییان گۆتوبێژکرن.
نێچیرڤان بارزانی وخلۆسی ئاکار باس ل سەرەدانا بۆ بەغدا و ھەولێرێ ھاتە کرن و ھەردوو ئالییان دوپاتی ل سەر ئارامی و سەقامگیری یا دەڤەرێ و گرنگییا ھەڤکاری و ھەماھەنگییا ئیراقێ و ھەرێما کوردستانێ ل گەل تورکیا و ئارامییا دەڤەرێ کر.
ل دووڤ راگەهاندنا سەرۆکاتییا هەرێمێ، د کۆمبوونێ سەرەرای سوپاسیکرنا تورکیا بۆ ھاریکاریێن وان ل دەمێ ھاتنا داعشێ بۆ ئیراقێ و ھەرێما کوردستانێ، سەرۆکێ ھەرێما کوردستانێ دوپاتکر کو نابیت ئاخا ئیراقێ و ھەرێما کوردستانێ وەکو پێگەهەک بۆ ھێرشکرنێ ل دژی تورکیا و وەلاتێن جیران بھێتـە بکارئینان و ھیڤیخواست، د ڤی بیاڤی دا ئیراق ئەرکێ خۆ ب جھبینیت، ھەروەسا بارزانی شاندا مێهڤان ژی دلنیاکریە کو ھەرێم دێ ھەردەم وەکو فاکتەرەکێ ئارامیێ و سەقامگیریێ بیتن.
هەمان ژێدەرى گۆتیە: پێشخستنا پەیوەندیێن ئیراقێ و ھەرێما کوردستانێ ل گەل تورکیا د ھەموو بیاڤان دا، پەیوەندیێن ھەولێر و بەغدایێ و ئاریشەیێن پێش پرۆسەیا سیاسی و شەرێ دژی داعشێ، ھەروەسا بیاڤێن ھاریکاری و ھەماھەنگیا دناڤبەرا ھەردوو ئالییان، رەوشا دەڤەرێ ب گشتی و رێکەفتنا شنگالێ و گرنگییا ب جھئینانا وێ، گرنگییا سنوران و ئاسایشا وان و پەیوەندیێن ئیراقێ و ھەرێما کوردستانێ ل گەل تورکیا، ھندەک تەوەرێن دی یێن کۆمبوونێ بوون.
