ژ ئەنجامێ بارینا بەفرێ ل گوندێن ھدێنە و بناڤیێ ل دەڤەرا بەرواری بالا کارەبا چار گوندان ھاتە برین.
شڤان فازل بناڤی، وەلاتییەکێ ئاکنجیێ گوندێ بناڤیێ گۆت: کارەبا گوندێن وان ھاتیە برین و رێک ژی نەھاتینە ڤەکرن.
ل دۆر ڤی بابەتی خانی نیوز پەیوەندی ب رێڤەبەرێ کارەبا کانی ماسێ کر لێ چ بەرسڤ نەدان.
ژ ئالیێ خوەڤە سەربەست سەبری ئاکرەی، رێڤەبەرێ ناحیا کانی ماسێ ئاشکرا کر، ئەوان ئاگەھـ ژ بابەتی ھەیە و کێشەیەک د ھێلا سەرەکییا وان گوندان دا پەیدابوویە و ھێشتا رێکا وان گوندان نەھاتیە ڤەکرن، پشتی رێکێن سەرەکی دھێنە ڤەکرن تیمێن سەخبێرکرنا کارەبێ بۆ گوندی ھێنە رەوانەکرن بۆ چارەکرنا وێ ئاریشێ .
خانی نیوز، ئەحمەد ئەدنی
