فەرماندەیەکێ ھێزێن پێشمەرگەی ل سنوورێ قەزا مەخموور راگەھاند، لڤینا تیرۆرستێن داعش ل سنوورێ مەخموورێ گەلەک زێدەبووینە، ئەڤێ ژی کاریگەری یا ل سەر کوردێن دەڤەرێ ھەی و ھەتا نوکە ژی زێدەتر ژ ٥٠ گۆندان ھاتینە چۆلکرن.
فەرماندە یادگار ئەحمەد، فەرماندێ ھێزێن پێشمەرگەی ل سنوورێ قەزا مەخموور، بۆ مالپەرێ فەرمیێ پارتی یا دیموکراتا کوردستانێ گۆت: لڤینا داعشێ رۆژ بۆ رۆژێ ل سنۆرێ قەزا مەخموور د زێدەبوونێ دایە و نۆکە ب ئاسانی ھاتن و چوونێ دکەن و کوردان ژی گۆندێن خۆ چۆلکرینە و ب تنێ کت کتە مال ماینە و ئەو ژی خودان تەرش و تەوال و ئەگەر نە دا ئەو ژی ئاوارە بن، گۆت ژی: خەلکی ترس ژ داعشێ ھەیە و ب تنێ ل سنوورێ باقرت، نێزیکی دەھـ گۆندان ھاتینە چۆلکرن.
ھەروەسا دیارکر ژی کو ئەو داعشێن ھەتا نوکە ل دەڤەرێ ھەین، ھەموو گرووپ گرووپن و خەلکێ دەڤەرێ و عەرەبێن وی سنووری زێدەتر تەعدایێ ل کوردان دکەن، ژبەر ھندێ کورد ژی گۆندێن خۆ یێن سنووری چۆل دکەن.
