ئەڤرۆ رۆژا دووشەمبی ٢٥-١-٢٠٢١ ل ژێر ناڤ و نیشانێن (وەفایەک بۆ خزمەت و خەباتا مامۆستا “غازی بامەرنی) رێڤەبەرییا گشتی یا رەوشەنبیری و ھونەری ل دھۆکێ ل سەنتەرێ پێشمەرگەیێ رەوشەنبیری چلییا وه‌غه‌ركرنا ھونەرمەند و شانۆکار (د.غازی بامەرنی) ساخکر. د چلییا وی دا رێڤەبەرێن حزبی و حکومی و مامۆستایێن زانکۆیێ و ھەڤال و ھۆگریێن مامۆستا غازی ئامادەبوون.
د رێورەسما چلییێ دا پەیڤ ھاتنە خواندن و شەمالک ھاتنە ھەلکرن و پەیکەرەک ژی بۆ وی ژلایێ شێوه‌كار (شیراز عه‌زیز)ڤه ھاتیە دروستکرن.
(ئه‌ڤین حسێن) سه‌رۆكا سه‌ندیكا هونه‌رمه‌ندێن كوردستانێ تایێ دهۆكێ بۆ خانى نیوز گۆت: وان بریاردایه په‌یكه‌ره‌كێ بۆ (د.غازى بامه‌رنى) دروست بكه‌ن وه‌كو وه‌فایه‌ت بۆ خزمه‌تا وى د بوارێ شانۆیێ دا ل رۆژا 27ى ئادارێ كو رۆژا جیهانییا شانۆیێ ئه‌و په‌یكه‌ر ل سلێمانیێ بهێـته دانان.
خانى نیوز، چنار ئه‌حمه‌د
