پهیڤدارێ ههڤپهیمانییا نێڤدهولهتی دژى داعشێ دووپاتكرییه، ئهم كوردان ب پیرۆز دزانین، كو ئهڤرۆ بووینه نموونا هاریكارییهكا لێهاتى و باوهر پێكرى.
وهین مارۆتۆ، پهیڤدارێ ههڤپهیمانییا نێڤدهولهتی یا دژى داعشێ د تویتهكێ دا ب زمانی كوردی ل هژمارا خوه یا تایبهت ل تۆرا جڤاكى یا تویتهرى، ب ههلكهفتا شهشهمین سالرۆژا رزگاركرنا كۆبانێ ژ دهست چهكدارێن داعشێ نڤێسییه: “ئهڤرۆ رۆژا ئازادكرنا كۆبانێیه، ل 26 كانوونا دویێ ل سالا 2015 شهرڤانێن كورد به پشتهڤانییا هێزێن ئهسمانی یێن ههڤپهیمانان كۆبانێ رزگاركرییه و ژ ناڤبرنا داعشێ ب باشی نیشانى جیهانى دا”.
ههروهسا گۆتییه، “كوردان ئارمانجا ستراتیژی یا داعشێ رهتكرییه، ئهم كوردان ب پیرۆز دزانین، كو ئهڤرۆ بووینه نموونهكا ههڤكاری و لێهاتى.
ئهڤرۆ 6 سال ل سهر رزگاركرنا كۆبانێ دا دهربازبوون، كو ل 26 كانوونا دویێ ل سالا 2015 و ل رۆژهكا وهك ئهڤرۆ دا، ب ههڤكارییا هێزێن پێشمهرگێ كوردستانێ كو ل سهر فهرمانا سهرۆك بارزانی هاتنه رهوانهكرن بۆ رۆژئاڤایێ كوردستانێ، بۆ پشكداریكرنێ د ئۆپهراسیۆنا رزگاركرنا وى باژێرى دا، ب ههڤبهشی ل گهل شهرڤانێن كورد یێن رۆژئاڤایێ كوردستانێ و ب پشتهڤانییا هێزێن ئهسمانی یێن ههڤپهیمانییا نێڤدهولهتی، شیان ئهفسانهیا داعشێ ل كۆبانێ تێكبشكێنن و وى باژێرى رزگار بكهن.
